Sunda Digjaya Lamun Bahasana Dipiara


Dina raraga mièling Poè Basa Indung sa-Dunya, MGMP BASA SUNDA KBB, gawè bareng Disdik KBB, ngayakeun Pelatihan Kawih Barudak, di Aula Ramayana Padalarang.
oleh : Neneng R. Agustini, S.Pd

Sampurasun,

Dinten ieu ping 21 Fébruari ku UNÉSCO tos ditetepkeun minangka dintenan "miéling basa indung sadunya".
Tangtos pikeun urang Sunda mah basa indung téh basa Sunda.
Saur karuhun urang, "Basa téh cicirèn bangsa." Tegesna, disebat ayana urang Sunda téh lantaran aya basana.
Cobi pami basa Sunda tos teu kareungeu aya nu nganggo, naha tiasa diangken aya kénéh kitu urang Sunda?
Jalaran éta, dina sagala kasempetan, sim kuring umajak, hayu urang nyarios ngagunakeun basa Sunda (badé lepat badé leres, ulah mangmang, anu penting nyarios ku basa Sunda).
Pami teu kaabotan, panuhun ieu seratan disebarkeun, sakirang-kirangna, ka 10 rerencangan.
Mugi urang Sunda masih tiasa makalangan.
Aamiiin.. (ed.bgs)

Komentar

Posting Komentar

Postingan populer dari blog ini

LEUNGIT BASANA, ILANG BANGSANA

Gambar
LEUNGIT BASANA, ILANG BANGSANA Ku: Nènèng R. Agustini ( SMPN I CIPEUNDEUY) Nitènan panèka jaman, loba pisan parobahan, boh tèknologi, boh èkonomi, boh sosial, boh budaya, kaasup pulitik. Narekabna kamajuan teknologi gedè pisan pangaruhna  kana sagala rupa kahirupan sosial, nepika hèsè ngabèdakeun jalma miskin jeung jalma nu kacukupan, boh tina papakèan boh tina gaya hirup. Narekabna tèknologi ogè mangaruhan kana kaayaan makèna basa, boh basa daèrah boh basa Indonèsia. Ieu hal tangtu mangaruhan ogè kana tumuwuh jeung mekarna basa anu nyirorot. Dina nyarita geus teu makè aturan kabahasaan, padu komunikatif, nu penting batur ngarti kana naon nu keur dicaritakeun. Basa Indonèsia, salaku basa nasional, nepika di sakola mah jumlah jam pelajaranana gè 6 jam, tangtu pamarèntah miboga maksud anu hadè, sangkan rahayat Indonèsia nyangkem basa nasionalna kalawan daria nurutkeun aturan anu lumaku ngaliwatan dunya atikan nyaèta lembaga sakola. Teu ngabibisani, sagala tarèkah mah g...
Baca selengkapnya

Laporan Lalampahan.

Gambar
  SULING  SILUNG Ku : Nènèng R. Agustini        Kuring nganiatan  miang ti imah anu  maksudna rèk meuli suling keur tatahar acara paturay tineung di sakola. Meungpeung aya waktu salsè. Dibarengan ku Pa Doddy da mèmang ogè anjeunna anu meredih hayang meuli suling, pedah nu aya di sakola geus sarilung cenah. Dibarengan ogè ku nu jadi salaki da nganggo mobil anjeunna. Alhamdulillah, sok kersa  nganganter sanajan kudu nyontang waktu rinèh anjeunna lantaran lain urusan kulawarga deuih. Cohagna urusan di sakola tempat pagawèan kuring. Meuli suling tèh rèk langsung ka tempat nu nyieunna, nyaeta Bapa Toto Suling, Jalan Padasuka, Gang Babakan Cihapit I, Nomer 6A, Pasir Layung Bandung. Cenah dumukna tèh caket Saung Udjo. Alamat ku kuring langsung diketik dina waze, tapi teu mèrè waè lokasi, dicobaan sababaraha kali, angger waè. Antukna nyobaan  makè google maps. Cring teh aya. Mobil laju luyu jeung nu dituju, malah Saung Udjo gè ...
Baca selengkapnya